ق ر مادەنيەت قايراتكەرى، اقىن، ايگىلى "كوك تۋدىڭ جەلبىرەگەنى" ءانىنىڭ اۆتورى الماس احمەتبەك قوعامدىق ماراپاتتار جونىندەگى رەسپۋبليكالىق كەڭەس تاعايىنداعان "ۇلت قايراتكەرى" مەدالىمەن ماراپاتتالدى.
اقىن وزىنە كورسەتىلگەن مۇنداي قۇرمەتتى قوعامدىق بەلسەندىلىگى ءۇشىن ەمەس، اقىندىعى ءۇشىن بەرىلگەن دەپ ەسەپتەيدى.
– بۇل مەدال الۋ – شىن مانىندە ماداق ەستۋ سياقتى ءسات قوي.
"تارباعاتايدىڭ قۇرمەتتى ازاماتى"، "مادەنيەت قايراتكەرى" دەگەن ءتوس بەلگىلەردى قىمسىنباي تاعىپ جۇرە الار ەدىم. ال، مىناۋ سالماعى اتتىڭ بەلىن قايىستىرار "ۇلت قايراتكەرى" دەگەن مەدال ۇيدە تۇراتىن شىعار.
ءدال وسى جەردە ماراپاتتالۋىما قوعامدىق بەلسەندىلىكتەن كورى جازعان ولەڭىم سەبەپ. ماراپات كوميسسياسىنىڭ ءتوراعاسى مارات توقاشبايەۆ قول قويعان مەدالعا قاراپ، ءبىر ءسات سونى ويلاپ تۇردىم.
ولەڭىمىز جايلى نەشە ءتۇرلى ريزا كوڭىلدىڭ ءسوزىن ەستىپ ءجۇرمىز عوي. سونداي ماقتاۋ سوزگە لايىق بولارداي ءمىنسىز كوركەم، وتتى، وتكىر جىر جازۋعا بار ىنتا قۋاتىمىزبەن قۇلشىنامىز.
اقتوبەدە ۇلكەن ءبىر شارادا مارات بازارباي دەگەن كىسى: "سەن ازات ەلىڭە تاۋەلسىزدىك تاڭىمەن بىرگە كەلدىڭ. كەلگەن بەتتە وسىنداي كەرەمەت ولەڭ جازدىڭ. ءسويتىپ، ءبىر عانا انمەن حالقىمىزدىڭ قۇل بولعان ساناسىندا ءبىرىنشى بولىپ، پاتريوتتىق توڭكەرىس جاسادىڭ. بۇل العىس اۋەنىن جازعان ەرمۇراتتىڭ رۋحىنا دا ءتان..." دەپ ءسوز باستاپ ەدى. "شىنىمەن بە؟!" دەپ قويام:
"ازاتتىقتىڭ العاشقى ساتىندە-اق، حالقىڭنىڭ ساناسىندا پاتريوتتىق توڭكەرىس جاسادىڭ!" دەيدى. بۇل ءسوز مەن ءۇشىن كەز كەلگەن ماراپات – مەدالدان قىمباتىراق بولعانىن جاسىرمايمىن، – دەيدى جۇرەكجاردى سوزدەرىن جەتكىزگەن اقىن.
پىكىر قالدىرۋ